https://iclfi.org/pubs/tap/2025-ceb-trump
Mga Mamumuo! Mga Kauban! Mga Katawhan!
Ang administrasyon ni Trump nahimong dakong hulga sa katawhang Pilipino. Ang bag-ong mga taripa ni Trump mopahugot sa imperyalistang pagkupot sa industriya ug sa panginabuhian sa masa nga dugay nang gaantos sa kabug-at sa taas nga buhis, nga maoy pambayad sa nasudnong utang, ug taas nga presyo sa mga importadong pagkaon ug gasolina. Samtang migrabe ang pag-atake ni Trump batok sa Tsina, misubsub ang pagdagsang sa presensya sa militar sa US sa Pilipinas. Kini gatukmod sa nasud sa usa ka madugoong panagbangi batok sa Tsina para sa Taiwan ug South China Sea.
Ang gipadayag sa mga kandidato nga walhon ug mamumuo sa umaabot nga 2025 nga eleksyon ang pagpanalipd sa nasud. Apan wala’y usa sa ila ang klaro nga batok sa imperyalismong US. Hinunoa, ang mga walhon ug unyonistang kandidato sa Akbayan, Makabayan, FFW ug PLM mitalikod sa kontra-imperyalistang pakigbisog aron mokamang pasulod sa bug-os nga maki-US nga liberal nga oposisyon batok sa mga Duterte. Ang estratehiya sa oposisyon mao ang paghangyo sa itoy-itoy sa US nga gobyerno ni Marcos ug sa imperyalista nga International Criminal Court para sa pagsumpo sa mga populista nga Dutertista. Ginaduso niini ang pagbutyag nga ang Dutertista nga oposisyon dili igo nga gasuporta sa kampanya ni Trump sa pag-lutos sa Tsina. Ang kalambigitan sa mga walhon ngadto sa liberal nga oposisyon, nakaguba niini diha sa mga mata sa masa, nga dugay nang gikapoy sa imperyalistang pagpangilkil nga gipadapat sa rehimeng Marcos ug sa mga kasosyo niini sa bloke nga liberal. Ang suporta alang sa reaksyonaryong Dutertista nga oposisyon, hinay hinay nga gakusog tungod kay sila lang ang klarong makita nga seryoso nga gasupak sa nasudnong pagdaugdaog ug pagpakaubos.
Ang Atong Dinalian nga mga Tahas ug Plataporma
Gikinahanglan natong palihukon ang hut-ong nga mamumuo aron manguna sa pakigbisog batok kang Trump ug batok sa tanang pundok sa Pilipinhong burgesya. Kon dili maporma ang independente nga kalihukan sa mamumuo, nasudnong katalagman ang moresulta. Ang kagamhanan ni Marcos nagpakunhod sa atong demokratikong mga katungod sa ngalan sa pagpugong sa hulga nga Dutertista. Kon mapatumba sa mga Dutertista ang rehimeng Marcos, islan lang nila kini sa mas mapintas nga neokolonyal nga kahikayan. Bisan unsa pa’y masangpotanan, ang katakos sa mga masa sa pagsupak sa pag-atake sa administrasyon ni Trump maparalisado.
Kinahanglan nga sugdan ang pakigsumpaki sa sulod sa kalihukang walhon ug mamumuo aron itulod ang pakigbulag sa mga liberal ug sa ilang mga tigpanalipod, ug alang sa pagtukod sa usa ka militante nga kontra-Trump nga oposisyon uban sa usa ka programa sa paglingkawas sa nasud. Sa nianing basehanan sa maong pagsupak, kami nagtanyag sa mosunod nga plataporma:
- Alang sa nasudnong kalingkawasan! Isalikway ang alyansa tali sa US ug Pilipinas! Ibasura ang EDCA ug VFA! Palayason ang mga tropa sa US!
- Radikal nga repormang agraryo, karon na! Tukoron ang mga komite sa mag-uuma! Ipanagtag ang yuta nga gipanag-iya sa mga oligarko ug sa mga agalong neokolonyal!
- Alang sa nasudnong industriyalisasyon! Kompiskaron ang bahandi sa mga imperyalista ug Top 10 Billionaire sa Pilipinas! Kanselahon ang imperyalistang utang!
Kon mouyon ka niining mga ideya, lihok na! Ipakaylap og hisgoti kining polyeto diha sa inyong partido, unyon o organisasyon sa masa! Hagiton ang inyong mga kandidato aron tukoron ang usa ka kontra-imperyalistang oposisyon sa mamumuo KARON!
Panalipdan ang huto-ong! Panalipdan ang katawhan! Maghiliusa ang atong mga puwersa!