Bungkagon ang EDCA! Prente nga Anti-Imperyalista Tukuron!

Samtang nagahuyang ang gahum niini ug nalabwan ang liberal nga kapunongan paingon sa pagkabungkag, ang tubag sa U.S. mao ang pagdugang sa presyur sa Tsina ug Rusya, samtang gipahugot ang pagkontrolar sa mga nasud sama sa Pilipinas. Ang krisis sa imperyalismo nagtulod sa U.S. ngadto sa gubat, uban sa pagpondo sa puwersang militar gikan sa East China Sea ngadto sa Malacca Strait. Kini nga presensiya nagsilbing mga bitik alang sa mabangis nga panagbangi batok sa Tsina.

Nahimutang sa South China Sea, ang Pilipinas nagbantay sa labing lagsik nga mga ruta sa dagat sa kalibutan, nga agianan sa dakong bahin sa suplay sa langis sa Tsina. Kining gihisgotan nga katubigan adunay daghang dapit nga pangisdaan, maingon man mga reserba sa lana, gas, ug mga mineral sa ilalom sa dagat nga wala pa magamit. Gikan sa Pilipinas, ang U.S. makaabot sa Sidlakang Asya, Habagatan-Sidlakang Asya ug sa Indian Ocean. Kini ang baybayon sa kinadak-ang populasyon ug aktibo sa ekonomiya nga bahin sa kalibotan.

Sulod sa pila ka dekada, ang mga walhon sa Pilipinas misuporta sa mga teritoryal nga ambisyon sa burgesya sa South China Sea. Ang mga puwersa nga naimpluwensiyahan sa Communist Party of the Philippines (CPP) ug sa National Democratic Front (NDF) niini, ang mga sosyal demokratiko ug ang burukrasya sa pamuo madasigong nagdayeg sa ligal nga kaso sa burgesya sa Arbitration Court sa The Hague batok sa mga pag-angkon sa Tsina sa kadagatan. Ang ilang mga hysterical nga nasyonalistang kampanya nga anti-China sa Spratly Islands, nga nakig-uban sa kapitalistang mga pwersa, naghatag panalipod sa imperyalismong US aron mapalambo ang presensya niini sa rehiyon. Sa katapusan, nakaangkon ang ulihi og akses sa siyam ka mga dapat nga militar ubos ni Presidente Ferdinand (Bongbong) Marcos Jr. pinaagi sa Enhanced Defense Cooperation Agreement (EDCA).

Ang pagpahiuli sa mga katungod sa pag-base sa US sa Pilipina subos sa EDCA usa ka importante nga hitabo sa pagduso sa imperyalistang panggahum og gubat sa rehiyon. Alang sa mga Pilipino, nga nagtimaan sa ika-125 nga anibersaryo sa Gubat sa Pilipinas-Amerika niadtong Pebrero 4, ang EDCA mao ang pinaka-ulihi nga imperyalistang palas-anon sa masa sa Pilipinas. Kini usa ka klarong pahinumdom nga ang Pilipinas usa ka Amerikanhong neokolonya, nga independente lamang sa ngalan. Sa susama alang sa mga mamumuo ug mga mag-uuma sa Tsina, kining mga base sa U.S. nagrepresentar sa tin-aw ug posibleng hulga sa ilang paglungtad.

Ang pagsulod sa U.S. ngadto sa mga base sa Pilipinas nagpalapit sa rehiyon ngadto sa pangpang sa gubat. Ang EDCA nagtagna ug makalilisang nga kalisdanan alang sa mga mamumuo ug mga masa nga lupigan sa rehiyon ug sa kalibutan. Ang mga base sa Pilipinas mahimong mga target, ug ang mosunod nga armadong panag-away magdaot sa mga ekonomiya sa Habagatang-Sidlakang Asya ug Australia, diin ang Tsina mao’y usa ka dakong kasosyo sa patigayon.

Alang sa kabatan-onang Pilipino, ang gipangulohan-sa-U.S. nga pagmartsa ngadto sa gubat nagkahulogang dugang nga pagregimentar pinaagi sa obligadong programa sa ROTC ug usa ka makalilisang nga kaugmaon isip mga pambala sa kanyon sa mga pasimuno sa gubat. Batok niini kita gatindog: Bungkagon ang EDCA! Ang mga base militar sa U.S., palayason! Imperyalismo ibagsak! Militarismo sa burgesya ug imperyalistang gubat ibagsak! Obligadong ROTC, supakon! Wala’y usa ka tao, wala’y usa ka sentimo alang sa burges nga militar!

Aron mapukan ang EDCA ug mapalayas ang mga tulisang U.S. gikan sa Pilipinas ug sa tibuok Kasadpang Pasipiko, nagkinahangla’g dakong internasyonal nga pakigbisog sa proletaryo, lakip sa Tsina. Ang mga Walhon ug mga lider mamumuo nga nagdumili sa pagpakig-uban sa Tsina batok sa imperyalistang pag-ulipon, sama sa Akbayan ug Makabayan, nagbarog sa kampo sa atong mga tigpahimulos ug dili gayod makakuha sa suporta sa mga mamumuoug mga mag-uuma sa Tsina. Sa kasamtangan, ang nagahari nga Komunistang Partido sa Tsina, nga nagpaluyo sa programa sa “sosyalismo sa usa ka nasud”, nagtinguha lamang sa “malinawongpagtungha” sulod sa imperyalistang gidominar nga internasyonal nga kahikayan. Kini naglantaw sa sosyal nga rebolusyon sa Pilipinas ugsa ubang dapit ingong usa ka hulga sa pagkab-ot sa maong tumong.

Ang usa ka anti-imperyalistang alyansa magdasig sa 100 milyones nga kusog nga proletaryado sa Tsina sa pagpalagpot sa parasitiko nga burukrasya ug pag-agaw sa timon sa kinadak-ang nasud karon diin ang kapitalismo gilaglag.

Ang mga militanteng mamumuo ug kabatan-onan napuno na sa mga liderato sa Akbayan, Makabayan, NAGKAISA ug Trade Union Congress sa Pilipinas, nga wala maghatag og bisan unsang mga solusyon sa pagpakig-away sa mga pag-atake sa burgesya ug bag-ong imperyalistang mga pag-imposar lakip ang Public Services Act, ang PUV Modernization Program, ug Charter Change. Apan, kining mga burukrata sa pamuo ug nagkuno-kuno nga mga lider nga walhon nagpasiugda sa ideya nga ang Pilipino nga burgesya mahimong mga higala ug kaalyado sa mga mamumuo ug mga dinaugdaog sa pakigbisog alang sa nasudnon ug pangkatilingbanon nga kagawasan.

Anti-imperyalistang mga mamumuo ug radikal nga kabatan-onan: pagbantay sa mga burges nga pulitiko sama ni kanhi Presidente Rodrigo Duterte, nga nagpakaaron-ingnon nga mga higala sa mga dinaugdaog ug mga kaaway sa imperyalistang gubat! Ang mga Duterte sa Davao ug ang ilang mga katugbang sa amihanan, si Sen. Imee Marcos sa Ilocos ug ang mga Mamba sa Cagayan, mao ang unang mobiya ug magbudhi sa atong mga pakigbisog batok sa EDCA. Kayman kini mao ang ilang kinaiya isip mga sakop sa neokolonyal nga gapanaigyang hut-ong nga gabutang sa ilang negosyo ug ang mga pinamilyang interes sa unahan sa mga dinaugdaog sa nasud. Ang bisan unsang militanteng paglihok sa mga mamumuo ug kabus nga dili makontrol sa burgesya tukma nga giisip nila nga usa ka kapeligrohan sa kalinaw ug kalig-on sa katilingbang Pilipino, nga gitukod base sa tawhanong kaalaotan ug sobra-sobrang pagpahimulos sa mga mamumuo sa mga plantasyon ug mga export processing zone.

Ang pagpataas og rebolusyonaryong internasyunalistang bandila batok sa mga maka-imperyalista sulod sa kalihokang walhon ug sa mga mamumuo magsilbing usa ka punto sa pagtigom alang sa mga kaaway sa imperyalismo taliwala sa mga mamumuo ug sa kabus sa siyudad ug sa kabanikanhan. Aron makab-ot ang nasudnong industriyalisasyon, kagawasan sa mga mag-uuma ug pagluwas sa nasud gikan sa langyaw nga mga base militar, ang atong pakigbisog nagkinahanglan og pagpangulo nga dili nakatali sa daotang Pilipino nga burgesya o sa mga imperyalista.

Alang sa militanteng mga mamumuo ug anti-imperyalista nga mga estudyante, kami gatindog nga ang hinungdanong buluhaton karong adlawa mao ang pagtukod og tinuod nga komunistang partido nga makahimo sa pagdasig sa atong pakigbisog alang sa nasudnong kagawasan ngadto sa sosyalistang rebolusyon. Ingong unang lakang, kini nagpasabot nga kinahanglang limpyohan nato ang atong kaugalingong balay: Palagputon ang mga repormistang tigpahiuli ug mga pro-US nga itoy-itoy — sama kang Sonny Matula (FFW), Joshua Mata (SENTRO), Mike C. Mendoza (TUCP), Elmer Labog (KMU) ug Raoul Manuel (Kabataan) — gikan sa kalihokang walhon ug mamumuo!

Ang Pilipinas ug Tsina adunay komon nga kaaway diha sa imperyalismong U.S. Anaa sa interes sa ginalupigan nga masa sa Pilipinas, sa proletaryo nga kadaghanan sa kapuloan, ang pagporma sa usa ka anti-imperyalistang alyansa uban sa mga mamumuo ug mag-uuma sa Tsina, ug mga sundalo sa PLA.

Sa sugod, kinahanglang atong ilhon ang mga babag sa dalan sa pagtukod niining militanteng alyansa. Una, gigamit sa imperyalismo ang kasuko batok sa Tsina nga gipatungha sa Stalinistang rehimen sa Beijing gumikan sa palisiya sa kadagatan niini sa South China Sea. Naglakip niini ang pagpanghasi sa mga awtoridad sa Tsina sa mga mangingisda gikan sa kasikbit nga mga nasud nga mipakigbahin niining tradisyonal nga mga dapit sa pangisda ug luwas nga mgapantalan sa dili maihap nga mga kaliwatan. Ikaduha, ang pagpaluyo sa Tsina sa gidumtan pag-ayo nga mga pundok sa burgesya, sama sa awtoritaryanong rehimen ni kanhing Presidente Duterte, wala maghimo sa Beijing nga mas popular taliwala sa mga mamumuo.

Alang sa katawhan sa Tsina ug sa mga masa sa Pilipinas ang pagporma niining anti-imperyalistang alyansa nagpasabot sa pagsalikway sa mga panawagan alang sa mga “zones of peace”,“non-interference” ug “peaceful coexistence” uban sa mga imperyalista, nga gibaligya sa mga Stalinista sa Beijing ug mga walhon sa Pilipinas sama sa Partido Manggagawa ug Partido Lakas ng Masa. Kini nga mga panawagan dili makauswag sa atong pakigbisog batok sa imperyalismo ug sa gubat. Ang atong gikinahanglan mao ang usa ka rebolusyonaryong internasyonalistang programa. Labing menos:

• Gub-on ang mga babag batok sa pangisda! Bahina ang mga tubig!
• Hiniusang depensa sa South China Sea batok sa imperyalistang mga agresor!
• Mga mangingisda nga Pilipino, ihatag kining polyeto ngadto sa PLA Navy/Maritime Militia sa Tsina!

Kon mouyon ka sa rebolusyonaryong anti-imperyalistang mgabaroganan sa niining polyetoha ug buot nga hisgotan kon sa unsang paagi kini makab-ot, palihog pagsulat sa: